Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 21 October 2021 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << February 2008 >> 
S M T W T F S
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/02/24

Cebuano News: PGMA: Ang kalibutan dili maka-pasaylo ug EDSA III

by Flor Jackson

Manila (February 24) -- Si Presidente Gloria Macapagal-Arroyo nag-ingon nga ang tibuok kalibutan ning-uyon sa EDSA I, 22 anyos na ang nakalabay ug ila pang gihatagan ug higayon ang EDSA II - apan dili na sila maka-pasaylo sa EDSA III.

Diha sa usa interview nga gibuhat ganihang buntag sa DZRH, usa nga estasyon sa radyo kansang central office anaa mahimutang sa Pasay City - diin siya miadto una ninglupad paingon sa Eastern Samar aron iyang tan-awon ang kadaot nga nahimo gumikan sa disturbo sa panahon nga ning-igo sa nasud dili pa lang dugay - si Presidente Arroyo nagkanayon:

"Sa akong panan-aw (sa akong kaugalingong pab-obserbar), ang kalibutan ning-uyon sa EDSA I niadtong 1986; ang kalibutan naghatag ug higayon sa EDSA II niadtong tuig 2001; apan ang kalibutan dili na maka-pasaylo sa EDSA III - hinoon ilang kondenaron ang Pilipinas komo nasud diin ang sistema sa politika nabuak-buak ug wala na'y paglaum ug dili malig-on.

Ang EDSA I nagkahulugan sa usa ka People Power Revolution diin wala'y ning-awas nga dugo nga nahitabo didto sa Epifanio delos Santos Avenue (EDSA) sa Quezon City niadtong Pebrero 1986 nga mao'y naghuman sa diktadorya nga pangobyernohan ni kanhi Presidente Ferdinand Marcos.

Ang Presidente - kinsa nagsul-ot sa iyang raincoat pag-andam sa iyang site inspection nga pagabuhaton sa nabaha-an nga parte sa Eastern Visayas - siya gi-nterview sa beteranong brodkaster nga si Joe Taruc gikan sa alas 7:45 hangtod sa alas 8:15 sa buntag.

Gi-unahan ni Press Secretary ug Presidential Spokesperson Ignacio R. Bunye didto sa DZRH headquarters didto sa Cultural Center of the Philippines (CCP) Complex sa Roxas Boulevard, ang Presidente ning greet sa mga tawo ug happy anniversary sa EDSA diin siya nag-ingon nga ang maong okasyon mao'y usa sa mga labing mahinungdanon nga hitabo sa kalibutan diha sa 20th century.

"Ang akong mainitong paglamano sa tanan sa anibersaryo sa EDSA. Ang mga adlaw sa Pebrero 22 ngadto sa 26 niadtong 1986 … mao'y labing mahinungdanon nga mga adlaw sa atong kagahapon ug usa sa mga importanteng hitabo sa tibuok 20th century sa tibuok kalibutan…"

Si Presidente Arroyo, kansang termino sa opisina nakakita sa foreign investments sa kapil-an ka bilyon dolyares nga ningsulod sa nasud, nag-ingon nga sa EDSA III nga malampuson nga mosuod sa Pilipinas, ang mga investors manghuna-huna usa kung moanhi ba sila sa Pilipinas.

"Ang mahitabo niana, ang mga foreign investors dili mag-invest sa Pilipinas… Unsaon nato pagpuypuy sa kalisud nga dala sa pag-usbaw sa presyo sa krudo diha sa world narket?"

Ang Presidente kinsa nagpabilin nga malig-on sa iyang pang gobyernohan taliwala sa mga paglampornas nga gilabay diha sa iyang dalan - naghatag ug duon nga "ang gusto sa mga Pilipino mao ang kalig-on sa politika, lamdag nga kaugmaon sa ekonomiya, panlipunang katarungan ug kini ang akong gi-trabaho…"

Sa dihang gipangutana siya kung gi-unsa niya pagpas-an ang mahitungod sa nagkalain-laing mga issues nga gilamba sa iya sa iyang mga kontra, uban na niini ang pagtawag nga siya mo-resign na, ang Presidente nagkanayon:

"Kahibawo ka, Joe, dili tingali moabot ug ingon niini kaanindot ang atong ekonomiya kung ang mga destorbo sa politika ang atong pirming gitagad…Eh ako nagtutok nga mora ug laser beam ngadto sa atong ekonomiya…"

"Sanglit tan-awa pod ang bunga sa atong focus, ug ingon pa gyud ang akong kinaiya hangtud karon…" dugang pa sa Presidente.

Makatulog pa ba siya ug maayo sa gabii taliwala sa mga pag pakang sa iyang mga kontra sa politika? Pito ka oras nga pag katulog…matag gabii, kana mao'y kabahin sa akong energy management. Kung gusto nimo nga ang wala ug tuo sa imong utok maayo ang pag trabaho, kinahanglan pito ka oras ang imong katulog…"

Si Anchor Taruc nakamatikod nga sa tinuoray, taliwala sa mga problema, mora ug dili man sab ka mawala sa focus sa mga responsibilidad nimo komo Presidente."

Dinhi ang Presidente naghatag ug duon nga "kauban na niana ang disiplina" samtang iyang gihatag ang tambag sa iyang nawalang amahan (si anhing Presidente Diosdado Macapagal) nga iyang gibutang sa iyang kasingkasing.

"Ang tambag sa akong tatay nagkanayon - 'Buhata ang angayng buhaton, buhata kutob sa imong mahimo ug ang Ginoo mao'y bahala sa uban'…"

"Ug ang usa pa nga giingon niya: 'Ang posisyon pagka-presidente dili angay ikalipay ug ika-himuot, kana mao'y posisyon diin kita hugot nga mag trabaho alang sa kaayuhan sa mga tawo ug kung gikinahanglan… andam kang mag sakripisyo.'" (PIA-Biliran) [top]

|«  prev  next  »|
DAILY NEWS LIST:
»PGMA: EDSA I among most important events in 20th century
»February 25-29 is Leprosy Prevention and Control Week
»LGUs urged to formulate, implement water and sanitation programs
»PGMA directs DA to ship more NFA rice to all flood-hit Pacific seaboard areas of RP
»Cebuano News: PGMA: Ang kalibutan dili maka-pasaylo ug EDSA III
»Cebuano News: Presidente nagmando pag release ug P200 milyones sa dali nga rehabilitasyon sa Western ug Eastern Samar
»Cebuano News: PGMA nagdalag paglaum ug kalipay sa mga flood victims sa Eastern Samar
»RP hosts ASEAN entrepreneurship meet
»PGMA leads national prayer for peace, unity
»President Arroyo: "Ako ang Pangulo, walang iba"
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines