Ilocano News: Operation "I-tak-tak Mo" inrugi ti DOH ditoy Laoag City
Laoag City (26 February) -- Rinugyan itay bigat ti Department of Health Regional Office iti operation "I-Tak-Tak Mo" to DOH laban sa Dengue babaen iti pannakaibinsa binsa dagiti umiso nga aramiden dagiti umili babaen ken ni Engr. Ashley Antonio, Sanitary Engr. Center for Health Development I, panag-pirma ti katulagan iti nagbaetan dagiti nagduduma nga ahensyas ti gobyerno kas ti DepEd, DILG, DOH, PHO dagiti kapitanes pakairamanan ti Media babaen iti panangidaulo da City Mayor Michael V. Fariņas ken ni DOH Regional Director Eduardo Janairo.
Kuna ni Janairo kabayatan iti pannaki-inuman dagiti kameng ti Laoag City Press Corps a very alarming iti sakit a dengue numan pay maagasan daytoy no mataming a masapa ti pasyente, kunana a ditoy Laoag iti immuna nga immayan ti DOH gapu ta agbalubal ti Ilocos Norte ken Pangasinan iti bilang dagiti nagbalin a biktima iti dengue. Inbatadna a bimmaba ti bilang dagiti biktima no ikumpara iti napalpalabas a tawen ngem ngimmato met ti bilang dagiti pimmusay.
Nagyaman met ni City Mayor Michael V. Fariņas kadagiti timmabuno nga Barangay Captains, Barangay Health Workers ken dagiti non-government organizations gapu kunana daytoy iti pakakitaan nga adda panagmaymaysa dagiti umili a mangpaksiat iti sakit a dengue kangrunaan na ditoy syudad.
Ti nasao a programa ket nagtitinnulongan nga inyusuat dagiti nagduduma nga ahensyas ti gobyerno kas iti DOH, DILG, DepEd,, CHO, Provincial Health Office, Asso. of Barangay Captains, ken sabsabali pay a Non-government organizations. (PIA) [top]
