Laoag City (26 February) -- Inbatad ni Civil Security Unit Chief (Ret) Col. Florentino Dumlao nga addan makaanay nga armas nga usaren iti agdama a pwersa ti CSU.

Iti agdama adda 31 a kameng iti Civil Security Unit a mangkita iti linak, urnos kangrunaan na mangted iti kinatalged iti sibubukel a gobyerno iti syudad. Kuna pay ni Col Dumlao nga manamnama a manayonan pay iti bilang ti kameng ti CSU apaman nga agngudo inton umay a bulan, Marso ti serbisyo dagiti adda iti Laoag City Landfill a nakakontrata iti maysa a pribado nga security agency.

Dagiti lugar nga pagserserbian dagiti 31 a pwersa ti CSU ket iti Central Terminal, Plaza, Gabu National High School, Laoag City Commercial Complex, Slaughter house, Sunset Boulevard ken iti City Hall.