Cebuano News: Embahador sa Tsina mitapos sa iyang katapusan nga buluhaton sa Pilipinas
Manila (12 October) -- Si Presidente Gloria Macapagal-Arroyo ang mihatag kamahinungdanon sa mibiya nga Chinese Ambassador Song Tao sa kamahinungdon sa Tsina ngadto sa Pilipinas kini sa diplomatikanhon ug ekonomikanhon nga relasyon.
"Ang Tsina mahinungdanon kanato sa diplomatikanhon, socio-economic ingon man sa pulitikanhon nga relasyon," ang Presidente miingon kang Ambassador Song Tao.
Ang Presidente mipadayag sa iyang kasubo pagtapos sa mga buluhaton sa embahador dinhi sa Pilipinas.
Gikasubo nako nga ikaw mobiya. Usa kini ka makapasubo nga adlaw kanamo. Naglaum ako nga nalingaw ikaw sa imong pagpuyo dinhi," iyang giingnan si Ambassador Tao atol sa ilang napulo'g lima (15) ka minuto nga farewell meeting nga gipahigayon Sa Music Room sa Malakanyang.
Ang mibiya nga embahador, sa iyang kabahin, mipasalamat sa Presidente tungod sa iyang pagbulig ug pakighigala nga ang kagamhanan mitanyag ngadto kaniya atol sa iyang pagpuyo dinhi sa Pilipinas.
"Dakong garbo kanako nga magsilbi sa inyong katawhan," ang embahador mipahayag sa Presidente samtang siya ang nagpasalamat sa hepe de ehekutibo tungod sa suporta ug pakighigala kaniya sa katawhang Pilipino. "Ang Pilipinas sama sa ikaduha nga panimalay nako," matud pa niya.
Si Tao, ang giabayan ngadto sa Malakanyang nila ni Foreign Affairs Secretary Alberto Romulo, Assistant Secretaries Ronald Allanrey, ug Romeo Manalo, Guo Gianli, kapikas sa embahador ug Deng Xijiun, deputy chief of mission sa Tsina, ug ni Wu Zhengping, commercial counselor. (PIA-RO9) [top]
