Waray-Waray News: An Pilipinas ginhingaday san Washington Post nga mao an pinakadaku nga nagamit sin ennerhiya san geothermal
Ni Nene A. Manzanares
Manila (12 October) -- Ginhingaday san Washington Post an Pilipinas sa kanya padayun paghingita sin alternatibo nga enerhiya pareho san geothernal ngan san pagigin pinakadaku nga nagamit sin geothernal energy sa bug-os nga kalibutan.
Sa kanra ginsurat san naglabay nga Oktubre 4 sa titulo nga "Filipinos Draw Power from Buried Heat" (An Pilipinas Nakuha sin Elektrisidad Tikang san Ginlubong nga Paso) diin nahimo na an mga konsumedores san nasud nga pinakadaku ng nagamit sin geothermal.
pa an Washington Post nga san mga nainstalar na nga kapasidad sin geothermal power, an Pilipinas in ada sa ika duha diin nauuna an Estados Unidos pero ditoy la an naiimdan nga deprensya bisan pa man an Estados Unidos in yaun durudamo nga geothermal potential, mas durudamo nga engineering talent ngan durudako an pagkinahanglan sin malimpyo nga padayun nga enerhiya.
An ginsurat nga artikulo in nagsusumat nga ine nga geothermal power sa Pilipinas in ada na sa 28% san elektrisidad nga nagagamit san mga tawo.
Yaun ginbuliwan nga obserbasyon an tagsurat diin ginsugad niya nga dire nagliliwat an palisiya san Pilipinas parte san paggamit san geothermal energy tikang pa san dekada 70 ngan ine in naiiba san ginhihimo san Estados Unidos nga nagliliwat liwat an palisiya parte san pag-undong san paggamit san geothermal power.
Bilyunes ka dolyares an natitirok matungod san paggamit san geothermal energy diin ditoy la an nababalyu nga lana tikang sa langyawan nga nasud kaupod na an oring.
Sugad pa san obserbasyon nga mas dire maupay an kahimtang san Pilipinas kun waray ine nagagamit nga geothermal energy.
Gindyaw san Washington Post an paggamit ngan padayun nga pag-undong san Pilipinas san geothermal energry. Dire kuno ine pareho san Estados Unidos nga haliput la nga panahon an kinabuhi sa kanra mga palisiya pag-undong san geothermal energy. (PIA-Northern Samar) [top]
