Cebuano News: Mga kahigayonan pagpanarbaho alang sa mga milangyaw nga Filipino nagpbalin nga lig-on bisan pa man sa krisis – PGMA
Manila (23 October) -- Ang mga kahigayonan pagpanarbaho sa mga milangyaw nga mga Filipino nagpabilin nga lig-on bisan pa man sa kalibutanong krsisis sa panalapi, bisan pa niini ang kagamhanan nagpadayon pag-ila ug pagpalambo sa bag-o nga labor markets sa abroad, pahayag ni Presidente Gloria Macapagal-Arroyo.
Sa iyang pakigpulong sa panak-op nga session sa 34th Philippine Business Conference (PBC) and expo ning bag-o pa lang sa Manila Hotel, ang Presidente mipahayag nga ang Philippine Overseas Employment Administration (POEA) sa Department of Labor and Employment (DOLE) mitaho nga "wala gayud pagpahawa sa mga milangyaw nga Filipino nga may kalabutan ang kisis sa panalapi".
Ang Presidente mipahayag nga milangyaw nga mga Filipino sama sa mga magtutudlo, nurses, caregivers, ug it-related workers ang naprotektahan "bisan ang ekonomiya sa Estados Unidos misamot sa pagkunhod."
Gidugtong pa niya nga ang "pagrehistro sa mga 2 ka milyones nga langyaw nga mga Filipino sa tungang sidlakan nagpabilin nga naprotektahan. Ang pagtrabaho sa 500,000 nga mga langyaw nga Filipino sa Oropa ang masaligon ug lig-on. Gawas sa nag-uswag merkado sa tungang sidlakan, ang mga kahigayonan sa pagpanarbaho sa gawas sa nasud ang migitib sa uban nga mga merkado sa gawas sa nasud.
Dugtong pa niya nga gawas sa pag-uswag sa merkado sa tungang sidlakan, ang kahigayonan pagpanatabaho sa ang migitib usab sa mga nasud sa Canada, Australia, diin sa matag-usa ka nasud niini gilauman nga mobukas ug 30,000 nga kahigayonan sa trabaho sa sunod nga duha ka mga tuig, ug ang New Zealand, 10,000 usab ka mga trabaho ang gilauman nga buksan. (RO9-PIA) [top]
