Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 19 June 2018 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2018 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/11/19

Cebuano News: P1.5-M gi-apod-apod sa DOLE sa mga kapunungan sa Zamboanga

Pagadian City (19 November) -- Mokabat dul-an sa P1.5 milyones pesos nga kantidad sa mga tseke ang gitugyan sa Department of Labor and Employment (DOLE) Zamboanga del Sur Provincial Office sa lima ma kapunungan sa Unang Distrito ning lalawigan atol sa gipahigayon nga Service Caravan kagahapon sa buntag sa gymnasium sa Molave, Zamboanga del Sur isip tipik sa mga kinadayagan nga kalihokan sa DOLE pagsaulog sa ika-75 nga annibersaryo sa nasangpit nga departamento.

Gipanguluhan ni Yahyah A. Centi, Director III sa DOLE nga nagreprsentar kang Regional Director Ponciano Ligutom pag-apod-apod sa mga nasangpit nga tseke ug giabagan nila ni Provincial Director Virginia L. Bonbon, Zamboanga del Sur Public Service Employment Office (PESO) Manager Tyrone Singgo nga nagrepresentar kang Gobernador Aurora E. Cerilles, Bise Mayor Ireneo Q. Glepa, ug Engr. Vince Quipot, Presidente, Federation of PESO Managers sa Rehiyon IX.

Ang nakadawat nga mga kapunungan mao ang mosunod: Josefina Differently-Abled Persons, Josefina, Zamboanga del Sur - P120,324 alang sa ilang livelihood project nga Goat raising and dispersal; Banale Small Farmers Association, Pagadian City P106,372 alang sa Green Corn Production; RM Bamboo Craft Association sa Ramon Magsaysay, Zamboanga del Sur P454,685 alang sa TPC on Bamboo Furniture and Handicraft; SAKADA Initiative of Change Working Youth Association, Pagadian City P211,452; ug ang Unified Partners on Livelihood for Technician sa Pagadian City P 419,100 alang sa Cellphone Common Repair Facility Services Assistance Center.

Matud pa ni Director Centi nga ang pag-apod-apod sa mga nasangpit nga hinabang nga salapi sa mga nagkadaiyang sektor sa katilingban mao ang tipik ug kabahin sa Poverty Alleviation Program ni Presidente Gloria Macapagal-Arroyo kansang pag-apod-apod giumala sa ilang departamento aron nga mapabati ngadto sa mga katawhan ilabi na ang mga kabus ug timawa nga mga Filipino. "Ramdam ang Kahirapan,mao kini ang gi-abante sa Presidente pinaagi pagpatuman sa iyang mga ubay-ubay ka mga pro-poor programs nga karon gipaabot dinhi sa Unang Distrito sa lalawigan," si Centi ang nagkanayon.

Gipasalamatan ni Centi ang mga kawani sa DOLE-Zamboanga del Sur Provincial Office pagpangulo ni Provincial Director Bonbon tungod sa aktibong pagpatuman ug pagpalapnag sa programa sa Presidente ug nakapahimo nga nagmalampuson

Si Domeciana L. Ramos, Presidente sa Ramon Magsaysay Bamboo Craft Association, ang kapunungan nga nakadawat sa pinakadako nga livelihood assistance kinasingkasing nga nagpasalamat ni Presidente Arroyo ug sa DOLE tungod kay pinaagi sa maong salapi mas dasig sila nga mopasangingadto sa ilang pangkinabhuiang proyekto.

Si Anerson S. Ondo, One Town, One Product (OTOP) Manager sa Ramon Magsaysay mipadayag sa iyang dakong pagpasalamat sa Presidente tungod kay pinaagi niini mapalambo ug mapauswag ang panginabuhi sa kawhaan nga mga miyembro sa nasangpit nga kapunungan pinaagi pagpadaghan sa ilang mga produkto nga gama sa kawayan nga mapalit ug mapahuslan sa mga langyaw ug lokal nga mga mamalitay.

Ugma (Huwebes), pagahimoon na usab ang laing hugna pag-apod-apod sa mga tseke nga livelihood assistance sa mga kapunungan sa ikaduhang distrito ning lalawigan nga ipahigayon sa lungsod San Miguel. (PIA-Pagadian) [top]

|«  prev  next  »|
DAILY NEWS LIST:
»Semi-processed rubber products from Basilan land in foreign markets
»Davao bank advocates savings, thriftiness
»City council calls on PGMA intervention in Davao housing crisis
»Hedcor, gov't health units stage medical outreach
»Cebu political scientist says Enrile has yet to excite the 'masa'
»Cebuano News: Dugang holiday gideklarar sa Malacanang
»Cebuano News: P1.5-M gi-apod-apod sa DOLE sa mga kapunungan sa Zamboanga
»95,000 transport family members eyed to benefit from "Katas ng VAT"
»Cebuano News: Malakanyang mideklarar sa Disyembre 1, 26 ug 29 isip non-working holidays
»Cebuano News: Obama nanawag kang PGMA, mihatag kaseguroan nga mopadayon ang maayong relasyon sa RP-US
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines