Cebuano News: Malacanang wala malisang ni Erap
Manila (26 October) -- Si Executive Secretary Eduardo Ermita nagkanayon nga ang Palasyo wala mahadlok ni presidential aspirant Joseph Estrada dihang gitambagan niini si Estrada sa pag-pangandam unya sa moanas nga mga kaso batok kaniya.
Sa usa ka interbyu sa Radyo Ng Bayan kagahapon, gitataw ni Ermita nga ang iyang gisulti mao lamang ang kabahin sa judicial remedy niini nga isyu sanglit pagahukman man kini sa judicial level.
Gidugang pa ni Ermita pag-ingon nga sa dihang iyang giluwatan ang maong pamahayag siya nasayud nga dunay mga tawo nga modangop niini sa hukmanan.
Ang pagdagan o dili pagdagan desisyon mismo ni Estrada sanglit gawasnon man kita dinhi sa nasud, ni Ermita pa. (PIA-Southern Leyte) [top]
