Waray-Waray News: PGMA ginkarawat in 620 ka-tonelada hin bugas tikang ha Taiwan
Manila (26 October) -- Ginkarawat ni President Gloria Macapagal-Arroyo han nakalabay nga Sabado in 620 ka-tonelada hin bugas nga donasyon tikang ha Bangkok para igpanhatag han mga biktima han bagyo "Ondoy" ug "Pepeng" ha Metro Manila ug iba pa nga mga lugar ha Northern Luzon.
Binuhat an seremonyas ha Taiwan pinaagi kan Thai Minister Abhisit Vejjajiva durante han pag-atender han Presidente han ika-15 nga ASEAN Summit and Related Summits, nga gin-aapihan hin napulo pa nga iba nga mga pinuno hin mga nasud.
Iginhatag ni Abhisit kan Pres. Arroyo in saka-kumkom nga bugas komo simbolo han 620 ka metriko tonelada hin bugas, diin an 520 MT in tikang daw han Thai Trade Representative nga ipinaagi ha ASEAN Plus 3-East Asia Emergency Rice Reserve, samtang an 100 MT in nagtikang ha Thai Ministry of Foreign Affairs.
Idadatong daw ha Manila an 120 metriko tonelada hin bugas yana nga katapusan han bulan han Octobre, samtang an 500MT in ig-dedeliber daw hiton bulan hit Pebrero. (PIA-Eastern Samar) [top]
