By Lanie Pitao-Tupaz

Manila (1 February) -- Mobalik ang negosasyon tali sa Government of the Republic of the Philippines kon GRP ug sa Moro Islamic Liberation Front kon MILF sa Kuala Lumpur karong umaabot Pebrero 18.

Mao kini ang gibutyag ni Annabel Abaya, chairman sa government panel kinsa makignegosasyon sa MILF diin ang Malaysia ang mopatungo isip peace broker.

Ang duha ka mga kampo magbayloan sa ilang mga gusto ug gilaoman basi sa kung unsa ang ikahatag sa matag usa. Ang negosasyon mahibalik pagkatapos mokonsulta ang MILF sa ilang mga dagkong opisyal ug ginsakopan.

Si Abaya midugang nga kung nakasulti man si Mohager Iqbal, pangulo sa MILF peace panel, nga walay bag-ong gikaawhag ang gobyerno kana tungod kay wala pa may nahitabo nga igong panagsulti tali sa duha ka ga kampo.