Waray-Waray News: OPAPP magbubuhat hin pinahaluag nga info drive
Manila (8 February) -- Pagbubuhaton in pinahaluag nga kampanya ha inpormasyon kasumpay han mga isyu nga inaatubang han goberno agud la masolbar an problema ha kamurayawan ha Mindanao.
An info drive in pinaagi han mga dyaryo, radio ug telebesyon, bisan pa internet basi daw masayod an ngatanan ug makonsulta man gihap an katawahan han maupay buhaton parte hine nga problema ha kamurayawan.
Amo daw ine an iginpahayag ni Presidential Adviser on Peace Process Annabelle Abaya nga nagsering pa, partikularmente an mga tawo ha Mindanao an ira kokonsultahon antis hira maghimo hin disisyon.
An OPPAP an nanga-ngamay-amay an pagbubuhaton nga katitirok yana nga ika-16 hiton Pebrero.
Nabaruan nga an gobeno han PIlipinas ug Moro Islamic Liberation Front in nagbinalyoay hin draft han ira nga duha mga karuyag ha Kuala Lumpur komo alundaman hine nga proyekto yana nga bulan. (PIA-Eastern Samar) [top]
