Waray-Waray News: 5 barangay ha Samar magbubuhat hin espesyal nga eleksyon
Manila (17 May) -- Igin-rekomendar han Commission on Elections ha Eastern Visayas nga buhaton in espesyal nga eleksyon ha lima nga barangay ha probinsiya han Samar tungod han dire pag report han mga Board of Election Inspectors ngadto han mga igin-assign ha ira nga mga presinto para buhaton an ira mga responsabilidad.
Sumala kan Comelec regional director Jose Nick Mendros, nagsumitir na hiya hin rekomendasyon, kundi iya pa daw ginhuhulat an resulta hine tikang ha Comelec en banc.
An mga barangay nga wara pakagbuhat hin eleksyon in an mga barangay han Carolina (nga may 126 nga botante), San Roque (203), an duha in aadto han bungto han Matuguinao; Mabini (375), San Antonio (356) ug Himalandrog (752), ubos didto sakop han syodad han Calbayog.
Sumala pa kan Mendros an mga membro han BEI nga naka-assigned ha mga barangay nga wara pakapag eleksyon in waray magreport ha ira mga presinto tungod hin mga pagkabaraka ha seguridad.
Ha luyo hine, ngatanan nga nagdaog nga mga local candidates Matuginao in iginproklamar na tungod kay dire naman daw makakaapektar han resulta han local nga mga posisyon.
Kundi, nagsering pa hi Mendros, nga bubuhaton la gihapon in espesyal nga eleksyon ha nasabi nga mga lugar tungod kay makakaapektar man an mga botos han mga posisyon ha national nga nga mga kandidato, lakip na an partylist. (PIA-Eastern Samar) [top]
