Manila (17 May) -- Gin-aaghat han Japan an nasud Tsina nga dire na magmantinir hin arsenal hin mga nukleyar nga higamit o di namanla, ig-undang na an ira pagtinirok hin mga armas nukleyar, amo ine an nabaroan tikang hin usa nga opisyal han Japan.

Sumala kan Press Secretary Kasuo Kodama han Japan, an paghinugutay hin istorya han duha nga nasud in natabo durante han regional nga iristorya ha South Korea, diin nagkahampang hira Foreign Minister Katsuya Okada han Japan ug an iya Chinese counterpart nga hi Yang Jiechi.

Nagsering an ministro han Japan nga an China la an nag-uusaan han lima nga permanente nga membro han United Nations Security Council nga nagtitinirok hin damo nga mga higamit nukleyar, baman an United States, Britain, France, Russia ug China in dire man gud talis.

Sering ni Okada, iya ginhangyo ha goberno han Tsina nga ibanan an ira istak hin mga higamit nukleyar o kaya, igsaad han ngatanan nga membro han UN Security Council nga dire na magdugang pa hine nga higamit, ngan kun anon a an aada nga tirok, in asyahon nala unta.