Waray-Waray News: Singbahan ha mga daogan: Tumana an iyo mga saad
Manila (17 May) -- Pinanawagan han singbahan Katoliko an mga nagdaog nga mga kandidato nga tumanon an ira mga iginsaad ha mga nanmotos ha ira.
Sumala han Archbishop han Jaro nga hi Angel Lagdameo nga ine nga mga bag-o nga mga lideres in angay maghatag importansya han sayod nga panggobernohan, solbaron an kapobrehan, paraon an graft and corruption ug tapuson na an pag-aabuso han mga katungod pantawo.
Natoo hi Lagdameo nga an korapsyon an una nga rason kun kay-ano nga damo it pobres ha Pilipinas, salit nalaum nala daw hiya nga magtutuman an mga daogan nga kandidato nga ira panginginanohan an ira mga binul-iwan nga mga saad.
Direkta daw nga ginpapahinumdom an nangunguna han pagka presidente nga hi Sen. Benigno Aquino III nga iya tumanon an pagpukan han korapsyon, kay ngani an iya campaign slogan in nagsering, kun waray korakot waray pobre nga pamilya. (PIA-Eastern Samar) [top]
