Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 24 July 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << July 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/27

Cebuano News: PCSO naglusad og STL operation sa Southern Leyte

Ni Bong Pedalino

Maasin City (May 27) -- Ania na dinhi ning siyudad ug lalawigan sa Southern Leyte ang Small Town Lottery kon STL.

Usa ka seremonya agi og paglusad sa maong numbers game gikan sa Philippine Charity Sweepstakes Office (PCSO) ang gihimo kagahapon sa may city gym ning dakbayan, ug gisibya kini nga buhi pinaagi sa kahimanan sa Maasin Cable TV (MCTV).

Ang mosunod nga mga kada adlaw nga pagbola, usa inig ka alas 2:00 sa palis ug ikaduha inig ka alas 9:00 sa gabii, adto na ipahigayon sa ilang buhatan sa barangay Combado ning siyudad ug mahimo kining saksihan sa tanan, ingon pa ni Romualdo Quinones, ang STL Project Manager.

Sa interbyu sa mga sakop sa local media human gyod dayon nga gihimo ang labing unang pagbola, si Quinones miingon nga kadto mao ang kina-premirohan nga STL operation nga gilusad sa Region 8, Leyte ug Samar, ug ang sunod adto sa Tanuan, Leyte, karong Huwebes.

Matud niya nga ang STL usa lamang sa daghang mga produkto sa PCSO nga gituyo aron mapapas ang bisan unsang illegal nga padula, sama sa masyaw, sa usa ka dapit.

Ug sama sa ubang mga dula nga gipasiugdahan sa PCSO, 30% sa kinitaan niini adto mopa-ingon sa charity kon pagtabang sa mga nag-kinahanglan og tabang, asoy pa ni Quinones, ug gidugang niya pag-ingon nga ang PCSO adunay legal mandate sa paghimo og mga lotteries.

Ang STL ning siyudad ug probinsiya pagadumalahon sa Whitecliff Corporation, usa ka kompaniya nga gitandoan sa PCSO diha sa usa ka board resolution aron mahimong Agency dinhi niining mga dapita, sumala ni Quinones.

Paagi sa dula sa STL susama ra sa lotto, diin gagmayng bola gi-numerohan 1 ngadto sa 40, sagol-sagolon kini sulod sa lagbas-lahos nga bulahanan sulod sa 45 segundos, ug dayon ang una sa duha ka modaog nga numero ipasulpot sa ibabaw.

Tapos masulat ang mananaog nga numero ibalik ra sab dayon ang bola alang sa ikaduhang pagbola, uy-ogon pag-usab ang 40 ka bola gamit ang makina, ug pasolpoton na sab ang ikaduhang numero.

Midaog sa unang draw mao ang kombinasyon sa mga numero 23 ug 29.

Mahimong motaya sa pinakaubos nga P 1.00 ug dag-on ang ganti nga P 800.00. Walay maximum limit nga gi-sitar sa mga buot motaya.

Sama sa masyaw, ang mga manayaay sa bisan unsang number combination makataya ni bisan kinsang naglibod-libod nga "aser" kinsa gitawag na og mga sales agents, diin may komisyon sila nga 10% sa madawat nga mga taya.

Matud ni Quinones ang resulta dinhi sa siyudad maglangkob na sa tibuok lalawigan, ang ika-25 nga duna nay STL. Lain sab ang mga resulta sa lain-laing probinsiya. (PIA-Southern Leyte) [top]

|«  prev  next  »|
DAILY NEWS LIST:
»Child group eyes regional protection cluster
»Mati City completes P2-M water system
»Autism Spectrum Disorder seminar set on June 5
»Cebuano News: PCSO naglusad og STL operation sa Southern Leyte
»NSO warns against census enumerators who fabricate answers
»Cebuano News: Ang Strong Republic ni PGMA iparada atol sa Independence Day
»Cebuano News: Bag-ong pantalan sa Bicol makalambu sa komersyo sa isla
»Waray-Waray News: Anay PCSO chief gintanyagan daw hin pagdarag-an
»Waray-Waray News: Canvassing han mga botos pagka presidente, VP nagpapasigi
»Waray-Waray News: Enrile ginkompronta an Smartmatic
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines