Cebuano News: Tanan andam na alang sa Independence Day celebration karong Hunyo 12
Manila (9 June) -- Natuhay na sa Malacanang ang mga kalihokan pag-timaan sa adlaw sa kagawasan karong Hunyo 12, diin dunay parade sa mga floats nga magpasundayag sa mga milestone achievements sa Arroyo administration isip maoy main event.
Sa usa ka press briefing, si Nilo Agustin sa Department of Tourism miingon nga ang tema sa independence day celebration karong tuiga mao ang "Kalayaan: Tagumpay ng Bayan."
Matud niya nga napulo ka mga floats ang iparada sa Rizal Park grounds.
Usa sa mga floats nga gilaumang makit-an mao ang kabahin sa automated polls, kay kini giisip nga kabilin ni Presidente Gloria Macapagal-Arroyo.
Lain pang major float mao ang "Inang Bayan" diin kini magsalida sa mga global Filipino achievements. Si Agustin miingon nga ang CNN Hero of the Year nga si Efren Penaflorida mitando na nga moapil sa maong kalihokan.
Kini usab maoy labing unang hitabo nga dunay full military honors isip tipik ug kabahin sa Independence Day celebration, nga anha paga-himoon sa Quirino Grandstand sa Rizal Park. (PIA-Southern Leyte) [top]
