Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 19 May 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2019 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/06/09

Cebuano News: Southern Leyte andam na alang sa golden anniversary celebration karong Hulyo 1

Ni Bong Pedalino

Southern Leyte (9 June) -- Ang probinsiyal nga pangagamhanan dinhi naglihok karon aron pag-seguro nga walay malat-angan pagpahigayon sa usa ka kasaulogan karong Hulyo 1 nga siguradong mapuno sa mga paghandum sa kagahapon.

Si Bokal Jason Calva, sa usa ka radio block-time program sa miaging adlaw, mibutyag nga usa sa mga ipasalintara sa ika-50 nga anibersary sa lalawigan karong tuiga mao ang parade sa mga nangaging mananaog sa Miss Southern Leyte sa nakalabayng kalim-an na ka tuig.

Ang naasoy nga beauty pageant usa sa mga kalihokan nga dugokon matag tuig, ug karong tuiga naa na say lain, ipahigayon kini sa naandan niyang schedule matag Hunyo 30, bisperas sa kasaulogan, adto sa halapad nga sunken garden sa provincial capitol.

Matud ni Calva nga pagka-hapon nianang adlawa, Hunyo 30, manumpa ang mga nakadaog, kasagaran subling napili, nga mga provincial officials sa gipahigayong automated elections sa miaging bulan.

Ang mga nangaging mga public officials nga naka-alagad sa lalawigan ipasalintara usab diha sa mga anniversary activities, dugang pa ni Calva.

Sa pakisayod kinsa kaha ang mamahimong pinasidunggang dinapit sa anniversary karong tuiga, si Calva miingon wala pay tino nga pangalan ang mitumaw.

Lain pang kalihokan nga subling malab-as mga tempo sa nanglabay nga panahon mao ang socio-cultural night inig ka gabii sa Hunyo 29.

Matud ni Calva nga ipatugtog sa maong cultural presentation ang mga sikat nga tunog sa mga tuig 1960s ug 1970s, ug kini pa sukad mahitabo diin dunay pasundayag nga ingon niini.

Pagka Marso 24 karong tuiga, pipila ka mga provincial officials pinangunahan ni Gov. Damian Mercado milusad sa 100 days' countdown alang sa golden anniversary sa lalawigan.

Ang opening salvo sa mga kalihokan sugdan karong Hunyo 25 sa usa ka anniversary walk, dayon mosunod ang inter-town basketball competition ug uban pang mga dula sa paugnat sa kusog, samtang inig ka Hunyo 28 mao ang pagbukas sa agri-aqua fair.

Si Provincial Tourism Officer Nedgar Garvez una nang misugilon sa PIA nga ang tema sa selebrasyon karong tuiga mao ang "Southern Leyte @ 50." (PIA-Southern Leyte) [top]

|«  prev  next  »|
DAILY NEWS LIST:
»DOH seeks professionalization of massage therapy industry
»Tagum shelter assistance program takes off
»Samar police arrest suspected criminal, neutralize another
»Cebuano News: Tanan andam na alang sa Independence Day celebration karong Hunyo 12
»Cebuano News: Southern Leyte andam na alang sa golden anniversary celebration karong Hulyo 1
»Waray-Waray News: Andam na an ngatanan para selebrasyon han Kagawasan
»Waray-Waray News: PGMA pangungunahan an RP ha Shanghai World Expo
»Waray-Waray News: Oobserbaran an sakto nga paagi han proklamasyon - Enrile
»NVizcaya miners demand gov't assistance
»NVizcaya eyes creation of mining regulatory board
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines