Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 4 July 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << July 2022 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/07/13

Cebuano News: Lain-laing mga paglingaw gidalit sa mga langyawng kabatan-onan atol sa ilang Impact World Tour

Davao City (13 July) -- Lain-laing matang sa mga paglingaw ang padayong masaksihan karon sa mga katawhan, kabatan-onan, ug mga kabataang Comvaleņo atol sa nagapadayong Impact World Tour diha sa lain-laing mga kalungsuran sa Compostela Valley.

Ang gidalit nga mga paglingaw gidumala sa Youth With a Mission (YWAM) ? usa ka International nga grupo sa mga kabatan-onang kristohanon gikan sa lain-laing mga Nasud sa langyawng kabaybaonan sama sa Estados Unidos, Australia, sa mga kanasuran sa Europa, ug uban pa.

Matud sa usa ka English National ug Opisyal sa YWAM nga si Simeon Garrett nga ang mga grupong Team Extreme, GX International, ug Island Breeze mao ang nag-unang mga Performers nga mihatag ug padayong mohatag ug mga paglinaw sa mga katawhan diha sa lain-laing mga kalungsuran sa Comval.

Gipakita diha sa Team Extreme ang talagsaong kusog sa mga performers pinaagi sa pagpang-alsa sa mga dagko ug bug-at kaayong mga butang sama sa mga sakyanan ug uban pa, nga maoy nakapangangha ug makapangangha sa mga nakasaksi atol sa ilang mga pasundayag.

Panahon sa Island Breeze, ang mga katawhan sa Comval gilingaw sa lain-laing mga Cultural Music ug Cultural Dances gikan sa laing laing mga nasud. Samtang, ang mga katawhang Comvaleņo nalingaw usab sa lain-laing matang sa mga Break Dances ug Hiphop Dances nga magarbuhong gidalit kanila gikan sa GX International Performers.

Kabahin sa gihatag nga mga paglingaw mao ang mga testimonya sa pagbag-o, gikan sa kanhi usa ka salawayon ug gubot kaayong kinabuhi ngadto sa kinabuhing matarong ug dungganon nga ilang nakaplagan diha sa pagpakighiusa sa atong Ginoong Jesu-Cristo.

Gipaambit nila kini aron masayran sa mga katawhan labi na sa mga batan-on ug mga kabataan nga dili pa ulahi ang tanan. Nga aduna pay luna diha kanila ang pagbag-o ug pag-angkon sa kinabuhing dungganon nga puno sa katarong, kabalaan, ug kalinaw. Kini kon ilang paharion diha sa ilang tagsa-tagsa ka mga kasing-kasing ang atong Ginoong Jesus.

Sa Hulyo 5 didto sila nagpasundayag sa pipila ka mga tulunghaan sa New Bataan. Sa Hulyo 6 ug Hulyo 7 ang mga performers didto usab nagpasundayag sa lungsod sa Monkayo.

Ang pasundayag ilang gihimo didto sa Laak Municipal Gym niadtong Huwebes Hulyo 8, ug sa mga tulunghaan sa Compostela niadtong Biyernes Hulyo 9 hangtud sa Hulyo 11. Sa Hulyo 13 didto sila sa lungsod sa Mabini modalit sa ilang mga pasundayag. Sa Maco karong Hulyo 16 hangtud sa Hulyo 18, dungan sa paglingaw nga ilang idalit diha sa lungsod sa Pantukan.

Sa Hulyo 20 didto sila mohatag ug pasundayag sa Montevista ug Maragusan. Karong Hulyo 21 sa Mawab, ug sa Nabunturan karong Hulyo 23 hangtud sa Hulyo 25.

Ang Impact World Tour maoy usa sa mga labing mahinungdanong kalihokan sa lalawigan ubos sa Moral Recovery Program nga gipatuman ni Gov. Arturo "Chiongkee" Uy karong tuiga pinaagi kang SP Member Paul Galicial ang natudlong Program Coordinator. (gmc/ids comval) [top]

|«  prev  next  »|
DAILY NEWS LIST:
»25IB foils anew NPA attempted ambush
»Feature: Take good care of your kidneys
»Info drive vs dengue up in Davao del Sur
»For lack of students, DepEd mulls closing Comval public school
»UPMin hosts webcast of int'l confab on forest restoration
»SRT motocross hits Panabo ground
»Panabo PESO conducts AIR campaign
»Council of Women conducts search for exemplary mothers
»Cebuano News: Lain-laing mga paglingaw gidalit sa mga langyawng kabatan-onan atol sa ilang Impact World Tour
»Cebuano News: 5,517 ka plastic chairs gipanghatag ni Gov. Uy sa mga tulunghaan sa Comval
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines