Manila (19 July) -- Bisan pa sa kadaghan sa iyang mga engagements ug mga appointments, si Presidente Benigno Aquino III naghan-ay na karon sa iyang labing unang State of the Nation Address human madawat ang mga status reports gikan sa lain-laing mga departamento, pipila ka mga opisyales sa Malacanang ang mitahu.

Ang Presidente nakig-ambit na sa iyang gabinete labot sa hitsura ug tono sa iyang pakigpulong nga iyang ihatud unya inig abli sa 15th Congress karong Hulyo 26, si Presidential Spokesperson Edwin Lacierda miingon, diin gidugang pa niini nga ang gabinete mohimo sa initial draft sa presidential speech atol unya sa sunod semana nga tigom.

Nasayran nga si Presidente Aquino maoy manguna sa Cabinet meeting sa sunod semana aron hisgutan ang mga findings bahin sa lain-laing department nga maoy mahimong unod sa iyang SONA.

Sa unang Cabinet meeting pagka Hunyo 30, si Presidente Aquino mimando sa iyang mga secretaries pag-sumite ngadto kaniya og mga tahu bahin sa ilang tagsa-tagsa ka mga departamento, sa budget spending, outstanding programs, proposed policies, ug uban pa, sa mosunod nga duha ka semana.