Manila (19 July) -- Nagpahayag an Malacanang hin pagtapod nga mayda na mga pitad nga ginkokonsiderar agud mapatuman hin dagmit an pag-abre han iristorya pangkahimyangan ha butnga han mga rebelde nga muslims ug komunista.

Sumala kan Teresita Deles, nga gintudlok pala komo Presidential Adviser on the Peace Process, linalauman daw an peace talks nga matitikangan hiton sunod nga quarter hit tuig.

Sering pa ni Deles, an kanan goberno peace panel in gin-oorganisar na subay han karuyag han Presidente nga makab-utan na hin sagilayon, an kamurayawan ha mga gin-aaragwayan nga mga lugar.

Manunumduman nga nagsering hi Pres. Aquino dida han iya inaugural speech nga magigin sinsero iton iya panggobernohan ha pagtratar han mga tawo ha Mindanao. Komitido daw hiya nga tapuson an problema ha Mindanao ug mahiplastar in mga katangduan nga igkokonsiderar an intereses han mga Lumad, Bangsamoro ug mga Kristyanos.