Waray-Waray News: AFP: Posibli makalaya na hi Trillanes
Manila (19 July) -- Tungod han kamanduan ni President Aquino nga otro imbistigaran an kaso nga iginpasaka kontra kan Sen. Antonio Trillanes IV, agsering an Armada Pwersa han Pilipinas nga posibli ine makalaya tikang han iya kapreso hin maiha nga panahon.
Por lo menus, posibli daman nga matugutan ine gumawas hin kadaliay nga panahon, agud makaatender han pag-abre han Kongreso yana nga July 26 ngan makabotos para han pagpili han magigin president han Senado.
Sumala kan Brig. Gen, Jose Mabanta, an spokesperson han AFP, importante, nagbaton na an Presidente, ngan kun magdesisyon man an korte nga buhian hi Sen. Trillanes, masunod daw hira.
Ugaring, dagmit daw la nga nagbaton an Malacaņang, nga dire an Presidente manginginlabot ha proseso han hustisya han manduan hi Justice Secretary Leila de Lima nga repasohon ak kaso ni Trillanes ug iba pa nga akusado nga nagsalakay han Oakwood Hotel ha Makati niyan han July 2003 nga ira iginsagda an pagretiro ni anay President Gloria Macapagal Arroyo upod na in mga heneral han military tungod daw hin kaso hin corruption.
Bisan kun ha sulod han presohan nakapagkampanya hi Trillanes, nakakuha ine hiya hadto hin usa nga pwesto ha Senado kundi waray tugiti nga makaatender hin pag-atender han mga sesyon. (PIA-Eastern Samar) [top]
