Waray-Waray News: P45-M cocaine iginsurender ha San Policarpo, Eastern Samar
Manila (19 July) -- Mabalor hin P45M nga bare-bareta hin Cocaine an iginsurender hin duha nga parapangisda ha San Policarpo, Eastern Samar.
An siyam ka bareta han igindidire nga droga in iginsurender nira Gregorio Gabilan, 44 han barangay Alugan, ug Wenceslao Monte, 41, han barangay Cahagwayan, nga duha tikang han bungto han San Policarpo, maydamaabot 200 kilometros an kaharayo tikang ha Tacloban.
An duha an pinakaurhe nga nag-surender hin mga cocaine tikang ha Eastern Samar, tikang han bulan han Desyembre han una nga tuig han paghalpaton han kapulisan han probinsya an pinanhiagian nga mga bareta han droga, nga daw tikang hin pagtaktakan ha kadagatan, ha dapit nga baybayon han Eastern Samar, hin tonetonelada hine nga epektos hin usa nga dako nga barko.
Sumala han Chief of Police han San Poli nga hi Inspector Marciano Moscosa, antis nira iginsurender an siyam nga bareta han Cocaine, kanda Gabilan ug Monte dawla unta adto ginhihimos nga mga epektos, ha paglaum nga mahihimo nira ine nga kuwarta.
Kundi, han urhe na, nabaraka na an duha tungod han hibaro nira han penaledad ug kapresohan tikang han paghimos hine nga droga, amo nga ira nala igin surrender ha kapulisan. (PIA-Eastern Samar) [top]
