Waray-Waray News: Bakuna kontra AH1N1 available na
Manila (19 July) -- Available na daw an bakuna kontra H1N1 influenza virus, partikularmente ha mga health centers han syodad han Marikina.
Amo ine an iginpublikar han gobyerno syodad han Marikina ha di pala maiha.
Dida hin usa nga pahayag, nagpasabot an Marikina City health office ha mga residente han syodad nga tagamtaman ine nga bakuna komo panagang han sakit.
Sumala kan City health office chief Doctor Alberto Herrera, nanhatag na daw hira hin maabot 602 vials han medisina nga igin alutagar ha ira han Department of Health para han ira mga burod nga nanay ug kabataan nga di pa nag-eedad hin unom ka bulan ngadto tulo ka tuig.
Nagsering pa hi Herrera nga ginbakunahan daw daman anay nira an 190 frontline health workers ngan gintagan hin mga seminar kasumpay han influenza virus agud hira makabulig han pagpoypoy han sakit. (PIA-Eastern Samar) [top]
