Cebuano News: Eksaminasyon sa A&E gidus-og sa DepEd
By Lanie Pitao-Tupaz
Manila (26 July) -- Ang tinuig nga Accreditation and Equivalency examination kon A and E nga nakatalaang ipahigayon karong umaabot Agosto 1 gidus-og ngadto sa buwan sa Oktobre sa wala pa'y gikatakda nga petsa, mao kini ang gipasabot ni Mrs. Lani Cervantes, division supervisor sa Alternative Learning System kon ALS sa Department of Education, Division of Biliran.
Si Cervantes midugang nga tungod sa pagkadus-og sa A & E test ngadto sa buwan sa Oktober, gipapadayon ang rehistrasyon sa mga interesado mokuha sa maong eksaminasyon.
Ang mga interesado mokuha sa A & E test giawhag sa pagpakigkita lamang sa mga mobile teachers o sa mga district ALS coordinator alang sa registration tungod kay atua kanila ang mga application forms alang sa ekasaminasyon ug wala sa division office.
Ang mga mobile teachers o district ALS coordinators usab ang modipara kung puwede na makakuha sa eksaminasyon tungod kay moagi pa sila ug screening.
Ang mga mokuha sa A & E test giawhag usab pag-andam sa ilang certificate of live birth o kung wala kini puwede na ang certificate of residency nga adto kuhaon sa kapitan sa barangay diin siya nagpuyo, sumala pa ni Cervantes. (PIA Biliran) [top]
