Cebuano News: Angkaton nga bugas moubos ug 50% sa tuig 2011
Manila (26 July) -- Plano sa Department of Agriculture nga iubos sa singkwenta porsyento ang pag-import ug bugas sa Pilipinas sa mosunod nga tuig.
Gipahayag ni Agriculture Sectretary Proceso Alcala nga gihuman na karon sa DA ang paghisgot kalabot sa rice production ug importation ug siguroon niini nga moubos ang kuhaong bugas sa tuig 2011.
Giplano sa maong departamento nga ubsan kutob sa singkwenta porsyento ang pag-import sa bugas kutob sa makaya kini "technically" ug financially."
Sa kasamtangan moabot hangtud sa 2.47milyones metric tons ang gi-angkat sa Pilipinas aron mapun-an ang kakuwangan sa suplay tungod sa pag-ubos sa produksyon sa humay tungod sa El Niņo sa unang unom ka bulan.
Moabot lamang sa 6.6 milyones ka metric tons nga humay gikan sa Enero hangtud na sa Hunyo ikumpara sa parehong panahon niadtong 2009 nga mokabat sa 7.38 milyones ka tonelada.
Misaad ang administrasyon ni Presidnete Benigno Aquino III nga eksakto ang produksyon sa humay sa tuig 2013 ug mamenosan ang rice importation. (rgcadavos/PIA-soleyte) [top]
