Manila (26 July) -- Si Presidente Benigno Aquino III nagasige na sa paghashas aron mahingpit na ang iyang pakig-pulong sa iyang unang State of the Nation Address (SONA) inig bukas sa 15th Congress karong adlawa.

Gikatahu nga ang estilo sa Presidente yano lang, ug siya mamulong gikan sa kasing-kasing ginamit ang largo-laktod nga mga pulong.

Anaa na sa fourth draft ang iyang speech ug gi-double fact-check na sa pipila ka mga sakop sa gabinete ug usab gi-review na sa Presidente, sumala pa sa usa ka tinubdan.

Samtang ang iyang inaugural speech puno sa kadasig, ang SONA magtuki sa hapdos nga kamatuoran nga gi-atubang sa nasud, ug dretso-dretso, miingon ang tinubdan.

Ang Presidente gilauman nga motahu sa kahimtang sa panudlanan sa gobyerno, ug moladlad sa mga programa nga iyang buhaton aron masumpo ang pag-pangawkaw ug masulbad ang kakabus.