Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 18 November 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << November 2019 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/09/24

Cebuano News: Espirituhanong bahin sa pamilya gihataga'g dakong importansiya ni Gov. Uy pinaagi sa BFDP

Davao City (24 September) -- Gawas sa mas gipakusog ug mas gipalambong mga programa sa panglawas, edukasyon, imprastraktura, panginabuhian, ug agrikultura, matud ni Executive Assistant Isabelo Melendres nga gihatagan usab karon ni Gov. Arturo "Chiongkee" Uy ug dakong importansiya, ang pagpalambo sa espirituhanong bahin sa pamilyang Comvaleņo. Kini pinaagi sa gihatag nga mga seminars ngadto sa mga amahan ubos sa Baranggay Family Development Program (BFDP) sa Compostela Valley.

Ang BFDP sa probinsiya, gisugdan pinaagi sa paghatag ug duha ka adlawng seminar sa mga mamahimong lecturer nga maoy mopaambit sa pito ka mga topico nga ilang pagabatbaton panahon sa ipakatag nga mga seminar sa mga padre de pamilya diha sa mga kabaranggayan.

Ubos sa maong programa gisugdan na karon pag-umol ang mamahimong mga lecturer diha sa mga kabaranggayan pinaagi sa pagpailalom kanila sa duha ka adlawng seminar. 1st batch sa maong seminar nahitabo niadtong Agosto 19 hangtud sa Agosto 20 diha sa Lamdag Eco Tourism Complex sa Pasian, Monkayo. Miapil niini ang dul-an sa 40 ka mga opisyal sa Municipal Spiritual Development and Moral Recovery Council gikan sa mga lungsod diha sa Unang Distrito.

Ang ikaduhang hugna sa maong seminar gihimo niadtong Septyembre 9 hangtud sa Septyembre 10 sa mao gihapong venue. Mitambong sa maong seminar ang kapin sa 60 ka mga opisyal sa Municipal Spiritual and Moral Recovery Council diha sa unom ka mga lungsod sulod sa ikaduhang distrito sa Comval.

Niadtong Septyembre 20, gikan kang Melendres nakapaminaw usab ang mga empleyado sa kapitolyo panahon sa Convocation Program, sa lecture nga maoy kasagaran nga ginahatag panahon sa BFDP Seminar nga nagtumong sa kamahinungdanon sa pamilya diha sa katilingban.

Matud ni Melendres panahon sa iyang lecture, nga gikinahanglan ang pagpalig-on sa espiritual nga aspeto sa pamilya aron molig-on ang maayong panag-uban sa mga sakop niini nga naglangkob sa inahan, sa amahan, ug sa ilang mga anak.

Kini tungod kay ang kaligdong, kalig-on, ug ang maayong panag-uban diha sa pamilya padayon karong nag-atubang sa lain-laing matang sa mga pagsulay sama sa marital infidelity kon pagluibay, sa domestic violence kon mga pagpangdagmal, moral erosion, sexual abuse, abandonment, abortion, marriage annulment, ug uban pa.

Gipasabot usab ni Melendres nga aron dili madaug sa maong mga pagsulay gikinahanglan ang pagpalig-on sa Espirituhanong aspeto pinaagi sa himoong mga paningkamot nga maangkon ang tulo ka labing mahinungdanong hiyas sa maayong pamilya. Kini matud pa mao ang kanunayng pagpakigduol sa Dios (close to God), ang pagpalig-on sa panagsuod sa mga miyembro sa pamilya (close to ones family), ug ang pagpakigsandurot sa katilingban (close to the people and Community).

Gipahibalo usab ni Melendres ang dakong kalampusan sa nasugdang BFDP Seminar. Timaan sa maong kalampusan mao ang mga sulat pagdayeg nga nadawat sa iyang buhatan, diin pipila sa maong mga sulat ang naghangyo nga i-download usab sa ilang grupo ang maong mga lectures. (gmc/ids comval) [top]

|«  prev  next  »|
DAILY NEWS LIST:
»Tagalog News: PNoy magbibigay ng talumpati sa UN General Assembly ngayong araw
»Tagalog News: Nationwide gun ban muling ipatutupad simula bukas
»Philhealth to release health cards to 46,000 indigents
»DOST bares agenda under PNoy
»Sambuokan Festival turns 10
»Davao Oriental vice-gov pushes for blood separator to aid dengue patients
»Four LGUs learn from Tagum's best practices on economic enterprises
»Davao Light turns over new library hub building
»Cebuano News: VP Binay guest of honor sa 2nd USWAG GK Partners Forum
»Cebuano News: Espirituhanong bahin sa pamilya gihataga'g dakong importansiya ni Gov. Uy pinaagi sa BFDP
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines