Cebuano News: PNP nagdeklara sa barangay, SK elections malinawon sa kinatibuk-an
Manila (26 October) -- Ang Philippine National Police (PNP) kaniadtong Lunes nagdeklara sa hiniusa nga Barangay og SK nga pinili-ay ingon nga sa kinatibuk-an malinawon, nakita sa daku kaayong pag-us-us sa gidaghanon nga election-related nga kasamok ikumpara sa gidaghanon atoll sa miagi nga pagpahigayon sa pinili-ay sa 2007.
Si PNP Chief Director General Raul Bacalzo, sa usa ka pakigpulong sa radio, nagpahayag nga ang halapad nga pagpangandam alang sa kasiguro-an gipahigayon sa 135,000 ka kusgan nga hut-ong sa kapolisan, sa suod nga pakig-koordinasyon kauban sa Armed Forces of the Philippines (AFP) og sa Commission on Elections (COMELEC).
Sa kasamtangan, mokabat og 44 ka election-related nga mga insidente sa kasamok ang natala ngadto sa Camp Crame ikumpara ngadto sa 2007 nga 97.
Gawas sa pipila ka nasahi nga mga kaso, matud ni Bacalzo nga ang kinatibuk-an nga barangay og SK nga pinili-ay malinawon.
Ang sama nga pagtuon gihimo usab ni PNP Deputy Chief for Operations Director Benjamin Balamino, Jr., ang kasamtangan nga pangulo sa PNP Task Force HOPE (Honest, Orderly, and Peaceful Elections), kinsa nakakita nga walay suspenso sa pagpahigayon og pinili-ay sa pipila ka mga bahin sa nasud tungod sa kasamok.
Matud ni Belamino nga adunay pag-oktaba sa barangay og SK nga pinili-ay sa Catanduanes og Masbate tungod sa kapakyas sa paghi-abot sa maong mga dapit sa mga kagamitan sa pinili-ay. (PIA Southern Leyte/esg) [top]
