Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 21 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/11/30

Waray-Waray News: Aquino gindepensahan an pag-iban san budget san state universities

By Ailene N. Diaz

Catarman, Northern Samar (30 November) -- Diri gindedebaliwara san gobyerno an edukasyon, ngan diri ini nagpapasibaya san panginahanglan san nga estudyante dida san state universities and colleges (SUCs).

Ini an gintagan duon ni Presidente Benigno Aquino III sadton Biernes sa pagbaton san mga alegasyon san mga estudyante nga nag protesta nga nasugad nga an mga kolehiyo ngan unibersidad in napabay-an na tungod san pag ibani sini san budget para sa sunod nga tuig.

Si Aquino nga nakadto sa Baguio City bilang pangunahon nga bisita san pag-abri san ika 700 nga jollibee, nagsugad dida san ambush interview nga an ginproponer nga 23.4 bilyones ka pesos nga budget para san SUCs in hitaas ngani kaysa san 21 bilyones ka pesos nga ginproponer san naglabay nga administrasyon para san tuig 2010.

An iba nagreklamo nga an budget kunta mas hitaas pa. An iba nasugad naman nga diri namon gintatagan importansya an edukasyon, an akon baton mao ini: Ayaw kam kalimot nga an tertiary level o kolehiyo in diri la mao an tatagan atensyon kon an pag iiristuryahan edukasyon. Ini an sugad san Presidente.

An Presidente nasugad nga an ginproponer nga kabug-usan nga kanan 2011 budget para san edukasyon ? kaapi na an para san basic education sa elementarya ngan high school ? humitaas sin 12.92 porsyento o ngadto sin 271.67 bilyones ka pesos tikang san 240.58 bilyones ka pesos nga gin alokar para yana nga tuig.

Natutuk la kita sa kon sin-o gud an nanginginahanglan, an basic education in kinahanglan libre para sa ngatanan, mao nga yaun dako nga gin umento san budget san Department of Education. Pinaagi sini, makakahatag kita san mga kabataan sin oportunidad nga maka eskwela. Dugang san Presidente.

An Presidente nasugad nga an budget para san University of the Philippines in nag-iban tikang sa 6.9 bilyones ka pesos sa tuig 2010 ngada san gin proponer nga 5.5 bilyones ka pesos para san 2011, ini tungod kay yaun man ini sira iba pa nga pagkukuhaan sin pondo sugad san UP-Ayala Technohub, tuition fees san mga estudyante ngan state subsidies.

Sa lain nga bahin, an Malakanyang nagsagdon san mga estudyante nga nagprotesta kontra san pag iban san gasto sa gobyerno para san state universities and colleges (SUCs) nga makig esturya san kanra tagsa nga mga opisyales.

Gintagan naton duon nga sa naglabay, an income o kita san SUCs in ginbabalik ngadto sa national treasury. Pero diri ini hihimuon yana. Ngani, tutuyangan an mga SUCs nga ipabilin an ira kalugaringon nga kita. An Presidente san kanya mensahe san budget nasugad: "Ginhihinay hinay ta pag-iban an subsidy san SUCs para maiduso ta sira nga magin self-sufficient ngan independent dida san pagtaga kuarta, sa pagkita nga ada na an ira abilidad paghimok sin pondo o kita ngan magamit ini para san ira programa nga mga proyekto." (PIA-Northern Samar) [top]

|«  prev  next  »|
DAILY NEWS LIST:
»Tagalog News: DOLE iginiit na hindi nangangailagan ng Filipino nurses ang Israel
»Tagalog News: DSWD Sec. Soliman, nakiusap na wag bigyan ng pera ang mga batang lansangan na nagcacarolling sa daan
»Government calls for intensified breastfeeding promotion among pregnant women
»Leyte dad joins high-level confab for nat'l land use policy
»Cebuano News: Palasyo nagsiguro nga ipadayon ang panagsabot sa kalinaw tali sa mga rebelde, MILF
»Cebuano News: Pilipinas mikondena sa pag-atake sa North Korea sa South Korea
»Cebuano News: DOLE nag-ingon nga dili kinahanglan ang mga Filipino nars sa Israel
»Cebuano News: Presidente Aquino midepensa sa pag-iban sa budget sa SUCs
»Waray-Waray News: Aquino gindepensahan an pag-iban san budget san state universities
»Caraga Region: Sweet 16 on 2011
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines