Cebuano News: Presidente Arroyo nakigtigom uban sa mga obispo
By Lanie Pitao-Tupaz
Manila (22 July) -- Nagkigtigom si Presidente Gloria Macapagal-Arroyo uban sa mga representante sa Catholic Bishops Conference of the Philipines kon CBCP didto sa Malacanang aron magtukib kabahin sa reproductive health bill nga naka-pending pa sa Kongreso.
Ang mga representante sa CBCP mihangyo pagpakigkita ni Presidente Arroyo aron ipaabot ang ilang posisyon kabahin sa maong balaodnon, sumala pa ni Presidential Adviser on Religious Affairs Nena Valdes.
Ang CBCP gipresentahn nila Cardinal Ricardo Vidal, Archbishop Aniceto Pasciano, Archbishop Diosdado Talamayan, ug Bishop Ramon Villena.
Presente usab sa maong panagtigom sila Health Secretary Francisco Duque III ug Representative Edcel Lagman.
Ang grupo nagka-uyon nga mopahigayon ug panag-estorya uban sa mga miyembro sa Kongreso nga gipangulohan ni Speaker Propero Nograles aron mahisgotan ug maayo ang posisyon sa CBCP kabahin sa maong balaodnon. (PIA Biliran) [top]
