Cebuano News: RDCC, DILG nagplano pagmando sa LCEs pagporma'g disaster council
by Roberto M. Cabardo
Cebu City (20 October) -- Ang Regional Disaster Coordinating Council (RDCC) mopasar og resolusyon nga maghangyo sa National Disaster Coordinating Council og Department of Interior and Local Government (DILG) nga magmando sa tanang mga Local Chief Executives sa mga kalungsuran nga mohimo og Municipal og Barangay Disaster Coordinating Council.
Kini maoy nasabutan sa mga sakop sa RDCC nga gipanguluhan ni P/CSupt. Silverio Alarcio Jr. sa tigum niadtong Miyerkules.
Sa iyang bahin, ang Assistant Regional Director sa DILG 7 nga si Dr. Pedro Noval nipadayag sa iyang kalipay sa maong lakang aron mas mahimong andam ang mga lumulupyo sa higayon nga adunay katalagman.
Sa pagkakaron, gihatagan lang og opsyon sa DILG ang mga mayor og barangay kapitan sa pagdesisyon paghimo og disaster coordinating council. (PIA 7) [top]
