Cebuano News: DTI mimando sa credit card companies paghunong sa di makatarunganong surcharge
Cebu City (Novmber 2) -- Ang Department of Trade and Industry (DTI) nipakanaog sa Department Administrative Order No.10, series of 2006 nga nagdili sa mga credit card companies og mga bangko og uban pa nga nagahatag og automated debit cards pagbutang og mga surcharges o dugang bayranan sa serbisyo o produkto nga mapalit sa mga cardholders.
Matud ni Zaide Bation, hepe sa Trade Regulatory Division sa DTI Cebu nagkanayon nga gikinahanglan gayud kining maong kamanduan aron mahunong ang sobra nga bayranan sa mga nanaghupot og mga credit/atm cards.
Ang DAO No.10 nga sugdan sa pagpatuman karong Nob. 5, naglatid sab sa posibleng pagkapriso gikan sa usa hangtud sa unom ka bulan o kaha multa nga magagikan sa P500 ngadto na sa P300,000, og pagrebokar sa lisensya.
Kung mahinumduman, si Pres. Gloria Macapagal-Arroyo nga kanhi opisyal sab sa DTI isip usa ka undersecretary, nagmando sa paghatag gayud og proteksyon sa mga konsumidor. (Roberto M. Cabardo/PIA Cebu) [top]
