by AE Escobia

Tagbilaran City (29 November) -- Si Presidente Gloria Macapagal-Arroyo mimando sa Technical Education and Skills Development Authority (TESDA) nga pahatagan ug pagtagad ang tulo ka mga "in-demand" nga kurso sa ilang Training for Work Scholarship Project (TWSP).

Kini nga kurso mao ang "training" pagka hanas nga welder, mangingihaw o butcher ug call center agents.

Sa pagkakaron, ang kurso nga sulod sa TWSP mao ang Hotel and Restaurant Management (apil niini ang "housekeeping" o paglimpyo sa balay, kusinera, receptionist or front office ug bartender); nursing (caregiving, healthcare services ug midwifery o mananabang); communication ug information technology.

Apil pod sa maong programa mao ang pag-pamanday, tubero, house wiring, electronics ug industrial technician.

Matud pa sa presidente, ang maong kurso apil na sa "curricula" sa mga tulunghaan ug adunay posibilidad nga lisod ang pagsulod ug trabaho tungod kay daghan na man ang migradwar niini.

Ang welder, call center agents ug mangingihaw mao karon ang labing gipangita dire ug sa gawas sa atong nasud.

Duna nay 20,000 ka trabaho para sa welder, 30,000 para sa manginihaw, samtang walay pu-as ang pagdawat sa mga aplikante sa mga call centers, dugang sa Presidente.

Dinhi sa Bohol, gibutyag usab ni Francisca Opog, Supervising Technical Edcuation Skills Development Specialist sa TESDA nga karong Disyembre 4, manawat sila sa mga aplikante sa pagka mangingihaw ubos sa TWSP. Kini pinasikad usab sa dagbayan sa Tagbilaran. 20 ka scholars ang kinahanglanon sa training nga molangtud ug 280 oras.

Ang mga aplikante kinhanglan nga migadwar sa high school ug maantigo mobasa, suwat ug sulti sa pinulungang Ingles. In-demand ang maong trabaho sa Australia, dugang ni Opog.

Gasige na usab ang pagpangdawat sa 250 ka scholars nga buot motrabaho sa call centers. Ang maong training adto paggahimoon sa Informatics, nga molangtod lsa 100 ka oras. Ang mga scholars sa makadawat ug P5,000.