by Flor Jackson

Manila (30 April) -- “Among gipasalamatan si Congresswoman Ellen Tauscher sa iyang pagpakabana ug among ipaabot kaniya ang sitwasyon nga ang Administrasyon hugot nga nag kondinar sa hitabong pag pamatay bisan kung kini gikan sa wala ug sa tuo, batok sa mga mamahayag ug batok sa mga aktibista, ug ang administrasyon komitido sa pagbuak ug paghuman sa mga hitabong kasamok nga sa igong panahon nakaapekto sa Philippine political environment”, kini ang mga pamahayag nga gipalusad ni Secretary Ignacio Bunye.

Matod pa ni Sec. Bunye, ubos sa mando ni Presidente Arroyo, gimugna ang Melo Commission komo usa ka independente nga komisyon aron mag-imbestigar sa mga pag pamatay ug pag submitir ug recomendasyon bahin sa polisiya nga gisunod sa Gobyerno.

Ang mga rekomendasyones naga lakip sa pagmugna ug special courts, implementasyon sa mas kusog nga lakang sa witness protection, pag tagana ug dugang nga mga resources alang sa mga prosecutors ug ang pag imbestigar sa wala ug tuo aron dad-on ngadto sa hustisya ang mga nagbuhat niini nga mga krimen.

Ang Presidente nagmando usab sa Department of Justice ug sa Department of National Defense sa pakig-sumpayan sa Commision on Human Rights aron magmugna ug Joint Fact-Finding body nga magsusi ug lawom sa mga alegasyon ug mag file ug kaso sa mga salaan o may kulpa nga groupo, kung sa pananglit kini tinuod gayod nga nahitabo.

Sumala pa sa Presidential Human Rights Committee, mokabat na sa 60 sa ka walay wantas nga pagpamatay ang gidala na sa korte ug anaa na karon sa prosecution authorities hangtod sa buwan sa Abril niining tuiga. Upat nga kaso ang aduna na’y resulta sa pag ka konbiktar sa nga akusado.