Cebuano News: PGMA mimangno sa DOE, DepEd sa pagpahigayon ug tawhanong opensiba didto sa Basilan ug Sulu
Cebu, Philippines (21 August) -- Gimandoan ni Presidente Gloria Macapagal-Arroyo ang departamento sa enerhiya ug ang DepEd nga mopahigayon ug usa ka tawhanong opensiba didto sa Basilan ug Sulu aron matabangan ang mg sibilyan nga na-apektuhan sa nagpadayo'ng armadong opensiba batok sa mga terorista'ng Muslim nga anaa sa basilan ug Sulu.
Ang Presidente mipakanaug niini nga pahimangno atol sa pag-able sa command conference nga iyang gipatawag uban sa mga opisyales sa DOE, NAPOCOR, Power Sector Asset and Liabilities Management O PSALM, Transco, National Electrification Administration (NEA) ug ang PNOC nga gihimo ngadto sa opisina sa DOE sa Taguig City.
Ang "tawhanong opensiba nga giingon sa Presidente mao ang pag-tukod ug mga science laboratories nga gigamitan pinaagi sa siga sa adlaw (solar-power), ngadto sa mga halayo nga mga lugar sa Basilan ug Sulu aron makapadayon ang mga estudyante didto sa ilang pag-eskwela bisan pa man nga nagpadayon ang giyera sa maong lugar.
Si Energy secretary Angelo Reyes, mipahimutang dayon sa mando sa Presidente.
Atong mahinumduman nga ang mga tropa sa gobiyerno nagpadayon sa pag-gukod sa mga terorista'ng Muslim nga mi-ambus sa sundalo niadtong Hulyo 10 nga nagresulta sa kamatayon sa katorse ka mga Marines, diin ang napulo niini ilang gipang-pugutan sa mga ulo. (PIA-Cebu/MBCN) [top]