MANILA (1 October) -- Ang Pilipinas nagduso alang sa paghimo ug internasyonal nga stratehiya diin magdumala sa import ug export nga genetically modified (GM) nga mga produkto.

Si Dr. Emelea Cao, direktor sa National Sciences Research Institute kon NSRI sa University of the Philippines nag-ingon nga ang gobyerno sa Pilipinas aktibo sa paghatag ug kontribusyon sa Codex Alimentarius Commission (CAC), diin kasamtangan nga naghimo ug giya nga magdumala sa pang-internasyonal nga pagbaligya sa biotech.

Si Cao representante sa Pilipinas ngadto sa Codex ad hoc intergovernment task force mahitungod sa pagkaon nga gikuha gikan sa biotechnology nga karon anaa na sa tunga-tunga sa paghisgot-hisgot mahitungod sa giplano nga mga stratehiya sa Chiba, Japan. Ang Codex nga miting himoon hangtud sa Biyernes.

"Aktibo kaayo kita sa paghatag sa atong partisipasyon tungod kay gusto kita nga makasiguro nga ang nasud makahimo sa pagpadako sa benepisyo gikan sa biotechnology trade ugma damlag," matud pa niya.

Samtang ang implementasyon sa gihanyag nga stratehiya boluntaryo, si Cao miingon nga ang mga giya usa ka maayong tamdanan ilabina sa mga nasud nga gustong mag-import ug produkto sa biotechnology.

Ang giplano nga mga giya sa Codex magdumala sa proseso sa pagsuway, maayong mga pamaagi ug mga lebel sa pasensya anaa sa lugar.

"Sa mga stratehiya sa Codex, makahimo kita sa pagpakgang sa insidente sa iligal nga panghitabo o polusyon," dugang pa ni Cao.

Ang CAC gihmo niadtong 1963 sa Food and Agriculture Organization ug ang World Health Organization ubos sa United Nations aron pag-ugmad sa standard nga pagkaon, stratehiya ug susamang mga isyu.

Sa pagkakaron, ang Pilipinas nag-import sa GM nga mga produkto sama sa soybeans. Nagtugot usab kini sa pagpalapad sa pagbaligya sa Bacillus thurigiensis (Bt) nga mais.