By Teresita B. Cardenas

Manila (27 October) -- Ang mga negosyante nga Pilipino nga toa sa New York, nagusab paghatag sa ilang tabang sa Pilipinas ug sa ilang pagtoo sa mga katawhang Pilipino tungod sa nahitabo nga pagbuto sa Glorietta Mall didto sa Makati sa minglabay nga Biyernes.

Sa duyogay nga pahayag ni Butch Meily ug Richard Rosenberg, presidente ug chairman sa Phil-Am Chamber, nanawag sila sa mga Pilipino ug American nga mga negosyante nga ipadayon ang pamuhunan sa Pilipinas bisan pa sa pahilit nga hitabo nga nakapatay ug 11 ka tawo ug dosena nga mga tawo nga grabe nga nasamdan.

Si Meily mao karon ang executive sa Philippine Long Distance and Telephone Company (PLDT) ug si Rosenberg ang presidente sa Data Symmetry.

Mitoo kami sa Pilipinas ug sa umalabot, mitoo kami sa kabaskug sa ekonomiya ug labaw sa tanan, mitoo kami sa kaarang, kalig on, kaisog ug sa kamaayo sa katawhang Pilipino. Nanawag kami sa mga negosyante sa Pilipinas ug sa U.S. aron ilang ipadayon ang pamuhunan sa nasod ug padayon paghatag ug trabaho, ingon nila.

Si Meily ug Rosenberag nagingon nga ang pahilit nga hitabo didto sa Makati dili makapugong sa ilang espiritu ug dili usab makapaminghoy sa tagsatagsa. " Kung magtinabangay ta, madinaugon ta, ingon nila.