Cebuano News: PGMA naghatag dungog sa 10 labing maayonga policewomen sa Pilipinas
By Teresita B. Cardenas
Manila (27 October) -- Ang Presidente Gloria Macapagal Arroyo naghatag dungog kagahapon sa mga bantugan nga polis nga babaye sa Philippine National Police (PNP) nga dunay panig'ingnan ug takus pagkab ot sa lain laing natad sa ilang trabaho, labi na ang pagpatuman sa balaod, pagkasiguro sa publiko, ang hustisya sa krimen ug ang maayong kabubut on ngadto sa komunidad.
Ang Presidente nanguna sa paghatag ganti sa 10 nga Bantugan nga polis nga babaye sa Pilipinas o Ten Outstanding Policewomen of the Philippines (TOPWP) sa simple lang nga seremonyas kagahapon sa hapon didto sa Rizal Hall sa Malacanang.
Ang ginantihan karong tuiga mao sila Police Senior Inspector Rosalinda Abellon (Negros Oriental Police Regional Office 7), Insp. Ma. Bella Rentuaya (Biliran PRO 8), Chief Insp. Janet Homo (Health Service), PO3 Annaliza Cotiangco (PRO 13), PO2 Mary Jane Dalumay(Penablanca PRO2), Chief Insp. Madeline Cacao (PRO 10), PO3 Liza Jane Atienza (Iriga City PRO 5), SPO2 Ramonita Pajanostan (AIDSOTF), PO2 Jaidee Lunggami (PNP SAF), ngan Supt. Ligaya Cabal (rime Laboratory Group).
Labot pa sa medalya, ang mga gipasidunggan nakadawat usab ug kwarta gikan sa Zonta Club of Makati nga maoy nanguna sa kada tuig nga pagpangita nga gisugdan nila kaniadtong 2002 aron paghatag ug pag'ila nga kinahanglanon ang mga polis nga babaye nga kaabay sa mga polis nga lalake pagpalihok sa kabalhinan sa nasod tungod kay ang polisiya mao ang ahensya nga punoan pagpatuman sa mga balaod. (PIA Northern Samar) [top]
