Ilocano News: PGMA nagibunong tseke a pagnegosio kalpasan pammadayaw kadagiti naballigi a negosiante
By Jessie R. Valdez
San Fernando City, La Union (19 November) -- Napadayawan ti siam a naballigi a negosyante ditoy Pilipinas itay nabiit, manipud Luzon, Visayas ken Mindanao.
Segun iti mensahe ni Presidente Arroyo, agserbi da kas inspirasyon kadagiti dadduma pay nga babassist nga small & medium entrepreneurs (SMEs) - negosiante ken dagidiay pay mayat nga agnegosio. Kasta pay, dagitoy nga negosiante dakkel ti naitulong da ti panagrang-ay ti pagilian a mangragpat ti bision ti gobierno nga agbalin ti Pilipinas a kas first world status iti unos ti 20 a tawen.
Kalpasan ti pannaka-padayawda, nagibunong ti Presidente iti tseke kadagiti 11 nga negosiante nga aggatad P15,000 aginggat P30,000 kas agtultuloy a suporta ti gobierno kadagiti mayat nga agnegosio.
Dagiti naballigi nga negosiante ket addaan negosio a panaderia, mini grocery, junkshop ken waste recycling, duck raising, duck egg production agricultural equipment, vegetable farming, dried fish industry. (PIA La Union) [top]
