Waray-Waray News: Pagbisita ni PGMA sa Espanya nakakuha sin P9 bilyones nga puhonan para sa agrikultura
By Teresita B. Cardenas
Catarman, Northern Samar (7 December) -- An Presidente Gloria Macapagal Arroyo natangpos na sa iya upat ka adlaw nga pagbisita sa Espanya ngan umuli nga may dara nga P9 bilyones nga bago nga puhonan nga saad para san agrikultura tikang sa Espanya.
Duha sa pinakadako nga proyekto nga nagkantidad sin S200 milyones kada sayo mao an pagkaon ngan pangisda ngan an produksyon san jatropha.
An pagkaon ngan pangisda nga proyekto mao in gobyerno ngan gobyerno nga ginsarabutan para maghatag sin bago nga bintana para sa Pilipinas pag duuk sin mga hatag tikang sa Espanya labi na gud an pagpauswag san agrikultura nga programa.
An memorandum of agreement san nasabi nga proyekto gin pirmahan san Ministro san Agrikultura san Espanya ngan an Departamento san Agrikultura sa Pilipinas.
An Secretaryo sa Agrikultura Yap nga upod san Presidente pagkadto sa Madrid nagsugad nga an MOA nagtugot liwat sa Pilipinas pag duuk san mga umuna nga teknolohiya san Espanya san pamaagi san pananom, prutas ngan utanon.
San iba man nga MOA, an Bionor san Espanya magpuhonan sin S200 milyones nga pagpauswag san 100 ka hektarya nga tuna san agrikultura didto sa Laguna ngan Palawan para sa jatropha feedstock production ngan an pag tindong sin jatropha extraction ngan distillery plants.
An ginsarabutan ginpirmahan san nakalabay nga Lunes sa butnga ni Anton Pradera, presidente san CIE Automotive ngan Alfonso Ausin, CEO san Bionor ngan Sec. Yap.
An opisina san Spain's Technical Cooperation ngan an Departmento san Agrikultura nagpirma liwat sin MOA para mapadayon an pagtimangno san unub nga karikohan san baybayon sa Bicol ngan Caraga para mabaton an sobra nga pangisda, pag ubus san pagkukuhaan ngan palibot nga baybay san duha nga rehiyon.
An mga buruhaton sini nga proyekto sa ilarum sa ginkasarabutan, kaapi an pagtimangno san karikohan sa baybayon ngan pagtutdo sin mga posible nga pangabuhi. (PIA Northern Samar) [top]
