Manila (8 February) -- Iginmando ni President Gloria Macapagal-Arroyo an kadugangan nga pondo hin maabot P50 bilyones para loan facility han Micro, Small and Medium Enterprises (MSMEs) yana nga tuig basi magmadagmit an kanan gobyerno programa ha anti-poverty ngan anti-hunger.

Ginmanduan gihapon ni Presidente hi Presidential Management Staff (PMS) Director-General Cerge Remonde, komo oversight official han MSMEs, nga pag estudyaran an possible nga pagpahabubo han interest ha pautang han micro enterprises.

Sugad man ginpahaluag an kamanduan ha mga government financial institutions (GFIs).

Iginpasabot ni Remonde an kan Presidente mandato dida han ginbuhat nga press briefing ha New Executive Building (NEB) ha Malacanang.

Dugang ni Remonde ginbuhat ini aber magpadayon an mahinungdanon nga pagsustener han MSMEs dara kay dako an nahitambulig hini ha ekonomiya ug nakahatag hin panginabuhi hin mas damo nga mulopyo.

Han naglabay nga tuig, maabot 25 bilyones de pesos an gin aluntaga han gobyerno hini nga pautang. Yana nga tuig possible humitaas ha 40-50 bilyones de pesos.

Sugad man gin awhag ni Remonde an kamara nga ipasa na an mga iginproponer nga amienda han Magna Carta for Entrepreneurs nga aada na ha bicameral conference committee.

Nagdudungan daw an mas mabakod nga pondo han MSMEs ug an ginpapahaluag nga proyekto para imprastruktura basi tinuod nga maging mabaskog an kanan gobyerno pagsurapo han kagutom ngan kakablasan.

Iginparayaw gihapon ni Remonde an kamalinampuson han MSMEs program, nga nasakop haros ha tanan nga probinsiya labi na ha Autonomous Region in Muslim Mindanao (Lanao del Sur, Maguindanao, Sulu, Tawi-Tawi and Basilan).

Dara daw hine, naghabubo an mga nag-aasoy nga hira in kablas tikang ha 57 porsyento ngadto ha 46 porsyento dida hin survey nga gindumara.

Sugad man gindugang ni Remonde nga an pambayad han mga utang umabot ha 98 prosyento hinungdan nga makalikom hin dako nga salapi.

Kun madadayon naman daw an pag-amyenda han Magna Carta for SMEs mas magiging mabakaskog an kapital komo magiging reglamaneto an 10 porsyento ha mga banko para han ira total loan portfolio para SMEs.