Waray-Waray News: Nagmandu si PGMA san DBM nga maghatag sin P1.8 bilyunes para sin reehabilitasyon kasumpay san naglabay nga bagyo
Ni Nene A. Manzanares
(3 Hulyo) -- Tikang sa siyudad san Iloilo, gin-aghat ni Presidente Gloria Macapagal Arroyo an Department of Budget and Management (DBM) nga maghatag sin kadagmitan nga panahon san pondo panrehabilitasyon para san mga inprastraktura nga nawakay kasumpay san destroso nga ginhimo san "super typhoonFrank". Nahimo ine nga mandukatapos san "performance evaluation" san ngatanan nga apektado nga mga inprastraktura nga proyekto san gobyerno nasyonal.
An Presidente an naghatag sine nga mandu kan Budget Secretary Rolando Andaya Jr. durante san National Disaster Coordinating Council (NDCC) nga miting nga ginhimo san Kabinete sa Iloilo International Airport.
Ginsugad ni Presidente Arroyo si Sec. Andaya igpagawas na an nasabi nga pundo matapos niya masabutan tikang kan Sec. Hermogenes Ebdane san DPWH nga yaun mga tulay san 35 nga nawakay san bagyo in nakinahanglan otro nga pag-aydun.
Maabot P1.8 ka bilyunes an kinahanglan para san otro pagpaupay san mga nawakay nga mga tulay sugad ni Ebdane diin naghangyu na siya sa DBM nga magpagawas na sin P800 milyunes agud ma-again na an mga kakalsadahan.
An Metropolitan Manila Development Authority (MMDA) in naghatag gihapon bulig san pag-ayad san mga kalsada ngan mga tulay sa Rehiyon 8. Nasabutan ine san ginsugad ni Presidente Arroyo nga gintagan niya mga tugon si Bayani Fernando, an namumuno san MMDA nga bumulig san nasabi nga mga rehabilitasyon. (PIA Northern Samar) [top]
