Waray-Waray News: Naglalaum si PGMA nga makabisita an Presidente san South Korea pareho man sa kanya plano nga makabisita san nasabi nga nasud
Ni Nene A. Manzanares
Manila (21 July) -- Nagpahayag si Presidente Gloria Macapagal Arroyo sin paglaum nga makabisita sa Pilipinas si Presidente Lee Myung-Bak san South Korea ngadi sa Pilipinas sa bulan san Marso sa sunod nga tuig durante sa pag selebrar san Ika 60 nga anibersaryo sa RP-South Korea diplomatic relations.
Nagpahayag gihapon an Presidente sa kanya karuyagon pagbisita sa Seoul sa sunod nga tuig.
Ginsugad ni Presidente Arroyo si Yu Myung Hwan nga mao an Minister of Foreign Affairs sa South Korea nga naglalaum siya sine nga pagbisita ni Presidente Lee Myung-Bak. Iya ginsugad an Ministro dida san courtesy call nga ginhimo san nasabi nga diplomat.
Sine nga courtesy call, nagistorya sira nga duha sin mga isyu nga nadadabihan an duha nga nasud. Nagsugad si Presidente Arroyo nga pareho na sin homecoming an nasabi nga courtesy call matungod nga si Minister Yu Myung Hwan in nahimo sadtu nga Ambassador Extraordinary and Plenipotentiary to the Philippines tikang sa Marso 2004 nga dtu Agosto 2005.
San nakadi pa sa Pilipinas an nasabi nga Ministro, an Republic of Korea in ika duha san pinaka daku nga namumuhunan sa tuig 2004 diin nakahatag sira sin $i.4 ka bilyun parte sin pamuhunan, sugad ni Foreign Affairs Secretary Roberto Romulo.
Nagsugad si Romulo nga sa Memorandum of Understanding (MOU) san Subic Bay Metropolitan Authority ngan Hanjin Heavy Industries and Construction diin ginpirmahan ine sa Mayo 14, 2005, nakahimo sin $1 bilyun sa pamuhunan an nahatag san South Korea pinaagi sin paghimo sin mga barko.
Matungod sine, nahimo an Pilipinas nga ika upat nga nasud sa bug-os nga kalibutan nga pinakadaku nga ginhihimuan sin mga barko. (PIA-Northern Samar) [top]
