Cebuano News: Presidente Arroyo miindorso ngadto sa bicameral CA sa bag-ong 27 ka mga tinudlo
By Lanie Pitao-Tupaz
Manila (4 August) -- Giindorso sa Malacaņang ngadto sa bicameral Commission on Appointments alang sa kumpirmasyon ang bag-ong batch sa 27 ka mga nag-unang opisyales, sumala pa ni Cebu Representative Eduardo Gullas kinsa mao ang nangulo sa House contingent sa Commission on Appointments kon CA.
Si Gullas miingon nga nadawat na sa CA ang appointment papers nila Press Secretary Jesus Dureza, Elections Commissioners Leonarda Leonida, Moslemen Macarambon ug Lucenito Tagle, Environment Secretary Jose Atienza, Jr., Energy Secretary Angelo Reyes.
Nadawat usab nila ang nomination papers sa 15 ka mga bag-ong ambassadors, chiefs of mission, career ministers ug foreign service officers. Kini nag grupo gipangunahan ni kanhi Senador Orlando Mercado, ang bag-ong ambassador-designate sa China.
Nasumite na usab ang mga papeles sa unom ka bag-ong mga senior military officers. Samtang ang mga papel nila NEDA Director-General Ralph Recto ug Labor Secretary Marianito Roque wala pa madawat sa ilang buhatan.
Ang CA sa 14th Congrss naka-screen ug nakakumpirma na ug 332 ka mga appointees.
Si Gullas opisyal nga napili sa Kongreso aron mangulo sa 12-member House contingent sa CA puli ni Davao City Reprsentative pagkatapos siya mapili nga House speaker niadtong buwan sa Pebrero. (PIA Biliran) [top]
