Waray-Waray News: LGUs gintagan hin mahinungdanon nga papel dida hiton pagtaga-mina ha mga lugar nga nasasakopan
Manila (19 August) -- Iginpagawas kakulop ni Pangulo Gloria Macapagal-Arroyo an kamando-an nga naghahatag ha mga local government unit hin poder may kalabutan hiton pagtaga-mina dida han ira mga lugar nga nasasakopan.
Ha pagpagawas han Pangulo han Executive Order (E.O.) No. 745, ginpahayag ni Executive Secretary Eduardo Ermita nga gin-aamiendaran hini an E.O. No. 469-A petsado han Octobre 11, 2005 agud matagan hin representasyon ngan partisipasyon an LGUs dida han Minerals Development Council (MDC) pinaagi han leagues of municipalities, provinces, cities ngan barangays.
An paglakipan han representasyon han Local Government Units en maggagarantiya hin responsable nga pagmimina ha lokal nga lebel, pahayag ni Ermita.
Ilarum han bag-o nga Executive Order (E.O. No. 745) mokomponer han MDC an masunod:
Department of Environment and Natural Resources – chairman
Department of Interior and Local Government – miembro;
Department of Finance – miembro;
National Economic Development Authority – miembro;
Department of Trade and Industry – miembro;
Department of Land Reform – miembro;
Department of Agriculture – miembro;
Department of National Defense – miembro;
Department of Labor and Employment - miembro;
Presidential Management Staff – miembro;
National Commission on Indigenous Peoples – miembro;
National Anti-Poverty Commission – miembro;
Philippine Information Agency - miembro;
Chamber of Mines of the Philippines - miembro;
League of Municipalities of the Philippines - miembro;
League of Cities of the Philippines – miembro;
Liga ng mga Barangay sa Pilipinas - miembro;
An chairman han MDC amo an magdudumara han ngatanan nga mga miting han MDC ngan magsisiguro nga an ngatanan nga mga palisiya, mga direktiba, mga plano ngan mga programa han MDC en mahipatuman.
Magkakaada gihapon hin usa nga executive director nga mayda ranggo nga undersecretary, nga pagtutudlokon han Pangulo, nga amo an magmamaneho han inadlaw-adlaw nga buruhaton han MDC..
An mga tinaglawas tikang han mga miembro han MDC en magkakaada gihapon ranggo nga undersecretary, samtang rerepresentaran an Chamber of Mines of the Philippines han Presidente ngahaw hini, pahayag pa ni Ermita. (PIA-Eastern Samar) [top]
