Cebuano News: SSS nagsugod na pag-upgrade sa pasilidad sa IT aron pagpalambo sa operasyon
By Rebecca Cadavos
San Pablo City, Laguna (19 November) -- Ang Social Security System kon SSS nagsugod na sa pag-upgrade sa pasilidad sa information technology kon IT aron mapadali ang mga transaksyon ug pagdugang pa niini, matud pa sa ka dakong opisyal.
Si SSS President ug Chief Executive Officer Romulo Neri nagkanayon nga ang SSS nakaangkon ug bag-ong kagamitan isip parte sa nag-unang mainframe overhaul, diin ang pension fund gilauman nga makompleto sa ikaduhang bahin sa 2009.
Matud pa niya nga ang kalambuan makaresulta sa pag-upgrade sa software applications, diin naglakip sa mga programa sama sa contribution posting, online inquiry ug ang pagproseso sa benefit claims.
Si Neri ug ang nag-unang mga opisyales sa SSS miadto sa San Pablo, usa sa nangunang industrial center sa habagatang Manila, aron sa pag-inagurar sa pasilidad sa IT ug sa pakigsabot sa dagkong tag-iya kabahin sa SSS nga mga isyu.
Sa bag-ong sistema sa computer, ang SSS makasugod na sa pag-ila sa bag-ong aplikasyon ug pag-ipon sa new features, sama sa self-service capabilities, nga may kalambuan sa business recovery system aron pagprotektar sa talaan sa mga miembro gikan sa pagkawala o pagkaguba tungod sa hinimo sa tawo o natural nga kalamidad sama sa sunog ug linog.
Matud pa ni Neri nga ang SSS nag-angkon usab ug bag-ong high-powered servers aron pagpakgang sa temporaryong paghunong, diin kasagaran nang mga problema sa daan nga sistema tungod sa daang ekipo ug pagpa-usbaw sa mga transaksyon. (PIA-Southern Leyte) [top]
