Cebuano News: PGMA motambong sa pagbukas sa Jobs Fair, mangulo sa flag-raising rites sa Hunyo 12 sa Koronadal City
Manila (10 June) -- Si Presidente Gloria Macapagal-Arroyo motambong sa pagbukas sa Jobs Fair sa Koronadal City ug mangulo sa tradisyonal Independence Day flag-raising rites sa Junyo 12.
Matod pa ni Koronadal City Mayor Fernando Miguel ang Presidente moanhi uban sa mga miyembro sa gabinete aron sa pagmonitor sa pagpataliwala nga gihimo sa kagamhanan lokal batok sa epekto sa kalibutanong pagkunhod sa ekonomiya.
Gilaoman si Presidente Arroyo makigtagbo usab sa mga kaabag sa politika ug motambong sa pagbukas sa jobs fair sa Department of Labor and Employment (DOLE) aron sa pagtabang sa mga walay trabaho.
Ang South Cotabato ug Koronadal City mao ang duha ka dapit nga paspas ang pag-uswag sa ekonomiya sa South-Central Mindanao region.
Si DOLE-XII Regional Director Gloria Tango miingon gilunsad sa iyang buhatan ang Comprehensive Livelihood and Emergency Employment Program (CLEEP) sa kagamhanan aron motabang sa paghupay sa epekto sa kalibutanong krisis.
Dugtong pa ni Tango ang programa sa CLEEP makabenepisyo sa linibong mga nangita ug trabaho gikan sa rehiyon ug sa mga silingang dapit. (PIA9-Pagadian) [top]
