Waray-Waray News: PGMA nagpirma han RA 9729
Manila (25 January) -- Ginpirmahan ni President Gloria Macapagal-Arroyo han nakalabay nga Biyernes an implementing rules and regulations (IRR) han Republic Act 9729, o an Philippine Climate Change Act of 2009.
An balaud in magreresulta hin katukod hin mga inisyatibo agud mahi andam an nasud han pinakamakure nga epekto han climate change o an pagbabag-o han klima han kalibutan.
Nakatistigos daw han pagpirmahe han Presidente han balaud hira Presidential Adviser on Climate Change Heherson Alvarez ug Environment Secretary Eleazar Quinto.
Giuunahi daw nga nakapag aproba an Pilipinas han sugad nga balaud, kontra ha iba pa nga mga nasud nga membro han Association of Southeast Asian Nations (ASEAN), kun diin ine nga RA 9729 in magsisiguro nga ngatan nga lebel han sosyedad, tikang ha barangay, in magbubuhat hin mga aktibidad nga makakabulig pagpahinay o pagpahiara han Climate Change.
An Pilipinas daw komo usa nga masagpi maigo han epekto han Climate Change in nanawagan ha mga rikohanon nga mga nasud durante han 15th Conference of Parties (COP-15) ha Copenhagen han nakalabay pala nga Desyembre han ira inungod-ungod nga pagmenus han ira greenhouse emissions. (PIA-Eastern Samar) [top]
