Cebuano News: Congreso nag-gahin og P500-M emergency fund alang sa power crisis diha sa 2010 GAA - Nograles
Manila (5 March) -- Nunot sa iyang baruganan nga wala nay kinahanglan ang special power aron matubag ang energy crisis sa Mindanao, si House Speaker Prospero Nograles pagka Miyerkoles mibutyag nga siya personal nga misukip sa 2010 national budget og P 500-M appropriation isip pangandam sa problema sa kuryente sa Mindanao.
Matud ni Nograles nga natan-awan na daan sa National Power Corporation (NPC) ang power crisis sa Mindanao sukad pa sa tuig 2006.
Ang nahisgutang P 500-M emergency fund gitagana sa National Electrification Administration (NEA) diha sa 2010 General Appropriations Act (GAA), nagkanayon si Nograles, kinsa mikandidato karon pagka Mayor sa Davao City.
Gidugang niya nga gitun-an na karon ang pag-pakatap og duha ka 30 megawatt (MW) generators aron masagang ang power crisis nga dala sa El Nino phenomenon.
Malaumon si Nograles nga si Presidente Gloria Macapagal-Arroo mopagawas na sa maong emergency fund sa labing sayo aron masangga ang nag-ong-ong nga power crisis.
Ang Mindano nagsalig sa dagitab nga mugna sa mga hydro-electric plants sa Lanao del Sur ug Bukidnon, sumala pa sa House Leader. (PIA-Southern Leyte) [top]
