Waray-Waray News: ICAPA naniniguro para han mahimyang nga piniliay
Manila (25 March) -- Gintagan hin direktiba han Independent Commission Against Private Armies (ICAPA), an Armada Pwersa han Pilipinas (AFP) nga pakusgon pa an ira pwersa kontra han mga private armies ha pagsiguro nga mabuhat in tangkod, mahimyang ug mamurayaw nga piniliay yana nga Mayo.
An ICAPA in gintukod ni Pres. Arroyo agud pag-adman an mga private army nga mga aktibo ha nasud.
An direktiba han ICAPA in nakapatik ha duha nga resolusyon nga iginpadara ha AFP ug PNP pinaagi han ira mga representantes, ha simpli nga seremonyas ha Conference Room han Mabini Hall ha Malacanang.
An ICAPA Chair nga hi Monina Zenarosa, usa nga retired associate justice han Court of Appeals, an mismo naghatag ICAPA Resolutions No. 001-10 ug 002-10 ngadto kan Colonel Ricardo Nepomuceno han Operations Division han AFP ug Chief Superintendent Cipriano Querol Jr., Executive Officer han Directorate for Police Community Relations han PNP.
Ha ilarum han Resolution No. 001-10, ginsasagda han ICAPA an AFP nga magbuhat hin inbentaryo han mga armas d pwego nga igin-issue ha mga Civilian Armed Forces Geographical Unit (CAFGU) ngan pag-imatian daman an mga CAFGU ug an mga personales han Special Civilian Active Auxiliaries han posibli hidabi nira dida hin mga krimen nga pulitiko o eleksyon an hinungdan.(PIA-Eastern Samar) [top]
